Поврзи се

4NEWS.mk

Бројот на заразени во Скопје во континуиран пад, двајца кумановци по втор пат позитивни на Ковид-19

Published

on

Вкупната бројка на позитивни на коронавирусот од почетокот на епидемијата заклучно со вчерашните 132 новозаразени, се искачи на 6.209. Во моментов бројот на активни случаи во земјата изнесува 3.484. Во текот на претходното деноноќие од Ковид-19 починаа 12 лица, со што бројот на оние кои ја изгубија битката со болеста сега е 298.

-Текстот продолжува по рекламата-

На Клиниката за инфективни болести и фебрилни состојби починаа двајца пациенти од Струга на возраст од 60 и 66 години, пациент од Тетово на возраст од 49 години и пациент од Скопје на 72 години.

Во ГОБ „8 Септември“ починати се четири лица, тројца пациенти од Скопје на возраст од 56, 69 и 75 години и пациентка од Велес на 68 години. Во болницата во Штип е починат пациент на возраст од 81 година. Во Гостивар е починат пациент на 70 години. Во Тетово е починат пациент на 62-годишна возраст.

Во болницата во Козле почина пациентка од Скопје на возраст од 83 години, која денеска е потврдена позитивна.

Двајца вработени во кумановската болница, повторно позитивни на Ковид-19, откако претходно на почетокот на пандемијата го прележале заболувањето.

На Инфективната клиника хоспитализирани се 92 пациенти. На кислородна поддршка се 45 пациенти, нема пациенти на механичка вентилација. Во болницата во Козле се хоспитализирани 20 возрасни пациенти позитивни на Ковид-19, две деца позитивни и четири со симптоми на вирусот.

Во ГОБ „8 Септември“хоспитализирани се 136 пациенти. На респираторна машина се 11 пациенти.

Во болницата во Битола се хоспитализирани 41, а во болницата во Штип се хоспитализирани 32 пациенти. На инфективните одделенија во Тетово, Охрид, Велес, Куманово и Прилеп се хоспитализирани 78 пациенти – позитивни и сомнителни на Ковид-19.

Во Скопје досега биле дијагностицирани на коронавирусот 3006 лица, а активни се 1986, од кои најмногу во општина Чаир околу 420, потоа следуваат Аеродром, Бутел, Гази Баба, Сарај, Центар, Карпош, Ѓорче Петров, каде што бројот се движи од 100 до 150 заразени.

– Бројот на заразени во градот Скопје е во континуиран пад, но имаме нови случаи во други градови, во околината на Тетово и на Гостивар, во Штип не многу, но сè уште има, како и во Ресен и Битола. И тоа сè уште ја одржува бројката на заразени нешто повисока. Факторот на преносливост, во последните денови, е под единица и многу е битно така да опстане. Апсолутно сите случаи се резултат на непочитување на мерките. Мора сите да сфатат дека само така ќе се извлечеме од оваа криза, изјави министерот за здравство Венко Филипче по вчерашната посета на Институтот за белодробни заболувања кај децата – Козле, кој е нов КОВИД центар.

Тој вчера соопшти дека Комисијата за заразни болести го одобри протоколот за организирање јавни настани кој минатата недела го предложија претставници на Здружението на музичари и на организатори на настани. Од Комисијата е донесена дозвола да се организираат јавни настани со тоа што местото треба да биде пополнето не повеќе од 50 проценти од капацитет каде што ќе се организира настанот.

Филипче истакна дека предложениот протокол е солиден зашто предвидува контролиран влез на настанот, картите ќе се продаваат електрионски за да не се прават редици и метеж и задолжително ќе се носат заштитни маски.

Во однос на градинките министерот Филипче рече дека тие нема да се отворат во скоро време, поради порастот на бројот на заболени.

Тој потенцира дека одлука да се направи скрининг на вработените била донесена во период кога состојбата со коронавирусот дозволувала да се размислува за отворање на градинките.

В среда, на 1 јули, се отвораат двата аеродрома, во Скопје и во Охрид.

Патниците ќе мора да дојдат три часа пред летот, зашто проверките поради заштитните мерки се малку подзабавени. Лицата треба да носат заштитни маски за цело време на летот, а кабините на авионите, се опремени со специјални хепа филтри кои уништуваат 99,9 отсто од вирусите и бактериите

Грција утре отвора седум гранични премини на копнените граници со Северна Македонија, Албанија, Бугарија, Турција.

Во однос на нашата земја, ќе биде отворен само граничниот премин Евзони (Богородица), додека пак кон останатите три земји отворени ќе бидат по два гранични премини.

Во монтажната болница што се наоѓа до Инфективната клиника до среда или четврток треба да биде поставен системот за кислородна поддршка, донација од компанијата која го обезбедува со кислород целиот клинички центар.

Американската амбасадорка Кејт Мари Брнз денеска во Јавното обвинителство на Република Северна Македонија ќе предаде донација од Соединетите американски Држави, преку Бирото за меѓународна борба против наркотици и спроведување на законите (ИНЛ) во вредност од 35.000 американски долари, како поддршка за намалување на ширењето на КОВИД-19.

Како што информираат од ЈОРСМ, во рамките на оваа донација, судовите, Академијата за судии и јавни обвинители, Судскиот совет, јавните обвинителства, Советот за јавни обвинители, затворите и Управата за извршување санкции ќе добијат средства за чистење и дезинфекција на површини и антибактериски гелови за дезинфекција и суво миење раце.

Амбасадата на САД во Скопје ќе додели вкупно 6.360 пакувања од по половина литар антибактериски гел за дезинфекција и суво миење раце како и 400 средства/раствори од по 10 литри за чистење и дезинфекција на површини, набавени од домашни производители.

Казино „Фламинго“ Хотел Гевгелија, членка на Групацијата НОВОМАТИК во Македонија додели донација со дезинфекциски средства во износ од 20.000 евра на ЈЗУ Општа болница во Гевгелија, како дел од хуманитарната кампања за потпомагање на здравствените институции кои се вклучени во борбата против КОВИД-19 вирусот.

Кај населението во земјава се бележи зголемен страв од можноста за зараза со коронавирусот. Се намалува скептицизмот на луѓето за опасноста и заканите од вирусот, а влошената ситуација со епидемијата ја намалила поддршката на граѓаните за власта во однос на справувањето со неа, покажаа податоците од истражувањето „Gallup International Association спроведено во 19 земји низ целиот свет, меѓу кои и земјава.

Влошената ситуација, со зголемениот број на новозаразени, за само неколку месеци драстично го намалила бројот на скептиците кои на почетокот на кризата веруваа дека заканата од вирусот е претерана, од 73 отсто во март на 44 отсто во јуни, оставајќи ја јавноста поларизирана околу идејата дека до крајот на годината животот во земјата би се вратил полека во нормала (46 отсто). 

Извор: Сител телевизија

Loading...
Совет за етика во медиуми

Македонија

Заразен оџа, затворени 8 џамии во градот – болницата во Кичево тешко се справува со ковид-19

4NEWS.mk

Ахмети: Го сакаме нашиот дел за кој сме пролеале крв

4NEWS.mk

Тешка кражба во Скопје – одземени три кеси со 800.000 евра, 60.000 долари, 50.000 франци и 1.000.000 денари

Македонија

Шеќеринска: Гласав за Талат Џафери да биде претседател на Собрание по цена да го изгубиме животот

4NEWS.mk

Извлечени 15-те најсреќни добитници на награда од по 100 илјади денари кои скенирале сметки во април, мај и јуни

4NEWS.mk

Орел улови ајкула (видео)

Македонија

Ковид-19 мутира, младите се најризичната категорија

4NEWS.mk

Вратени Македонци кои се обиделе да влезат во Грција преку Бугарија

Македонија

Се појави нова бомба во која наводно се слуша гласот на Мицкоски: Се борам ова СЈО да не помине…

Македонија

ВИДЕО: Обилни врнежи во Битола, градот изгледа како Венеција

Македонија

Лифтовите потенцијални жаришта на коронавирусот – како да ги направиме безбедни?

Македонија

Венко Филипче тројно погледан на ТВ21 од Канал 5 телевизија

Македонија

Соопштение за мерките на ВРСМ за првата фаза на олабавување на вонредните околности

Македонија

ТВ21 ЕКСКЛУЗИВНО: Потврден говедски коронавирус во Македонија, човек може да го зарази својот миленик, но не и обратно

Музика и Филм

„THE ELEPHANT“ прв македонски краткометражен филм со ирски и старо англиски акцент

Музика и Филм

Македонец во Словенија направи песна репрезент за градот

Македонија

ВИДЕО: Силна експлозија во фабрика во Битола – на терен противпожарни екипи

Музика и Филм

НОВО ВИДЕО: Момците од Театро бенд пеат „За тебе“

Македонија

ВИДЕО: Секоја чест! Полицајци од ПС Бутел спасија мало куче од дупка длабока 4 метри

Македонија

(ВИДЕО) Пенадровски: Да не сум претседател и јас би се иселил од Македонија