Дијана Хрка, мајката на Стефан Хрка кој загина при падот на надстрешница во Нови Сад, вечерва го напушти шаторот поставен недалеку од Собранието на Србија, каде штрајкуваше со глад, а според објави на социјалните мрежи, е примена во приватна клиника.
На снимките објавени на социјалните мрежи се гледа како Хрка, во придружба на ветерани кои беа со неа пред Собранието на Србија, во инвалидски колички и со маска на лицето, влегува во приватната болница.
Хрка, која од 2 ноември штрајкува со глад пред Собранието на Србија, изјави дека претходно денес ѝ била укажана лекарска помош и дека ако не се чувствува добро, ќе прифати интравенска терапија, но дека нема да се откаже од својот штрајк.
