Филмот Society of the Snow штотуку беше објавен на NETFLIX, кој ја раскажува приказната за една од најпознатите авионски несреќи и ужасните настани што следеа по падот на авионот на Андите во 1972 година.
Летот 571 летал од Уругвај до Чиле и го носел уругвајскиот машки рагби тим на натпревар кога се урна длабоко во снежните планини на Андите. Авионот се урнал откако пилотите прерано почнале да го спуштаат бидејќи биле сигурни дека стигнале до целта, иако бил оддалечен од 60 до 70 километри. Само 29 патници од 45 преживеале, а она што следело е приказна во која е тешко да се поверува.
По долга неуспешна потрага по авионот, патниците биле прогласени за мртви. По речиси два и пол месеци спасени се 16 патници. Но, што се случило во тие 72 дена додека биле сами на Андите?
Филмот не е за оние со слаб желудник
Преживеаните патници во тоа време морале да преземат ригорозни мерки за да останат живи. Температурите во шумите на Андите се искачија и до 40 степени под нулата, а споменатите мерки што преживеаните мораа да ги преземат вклучуваат канибализам. Затоа, филмот не е за оние со слабо срце.
Society of the Snow се занимава со овој настан од перспектива на рагбистот Нума Туркати, а се заснова на истоимената книга од 2008 година напишана од Пабло Виерчи, универзитетски колега на преживеаните рагбисти.
Режисер на филмот е Ј.А. Бајона, која режираше уште еден филм за катастрофа „Невозможно“, во кој главните улоги ги толкуваа Наоми Вотс, Јуан Мек Грегор и младиот Том Холанд. Во „Друштвото на снегот“ играат уругвајските и аргентинските актери Енцо Вогричиќ, Матија Рекалт, Агустин Пардела и Фелипе Гонзалес, а филмот ги воодушеви критичарите на филмскиот фестивал во Венеција.
