Веста за смртта на Метју Пери тешко ја прифатија неговите колеги од серијата „Пријатели“. Ко-креаторите на ситкомот Марта Кауфман и Дејвид Крејн и извршниот продуцент Кевин Брајт издадоа заедничка изјава во неделата – помалку од 24 часа по смртта на актерот.
„Шокирани сме и длабоко, длабоко тажни поради смртта на нашиот сакан пријател Метју. Сè уште изгледа невозможно. Сè што можеме да кажеме е дека се чувствуваме блажени што го имавме како дел од нашите животи. Тој беше брилијантен талент“.
Тројцата се рефлектираа на извонредната изведба на Пери како Чендлер Бинг на „Пријатели“.
„Клише е да се каже дека актер ја игра својата улога, но во случајот на Метју нема повистинити зборови. Од денот кога првпат го слушнавме како ја игра улогата на Чендлер Бинг, немаше никој друг за нас“, се вели во соопштението.
