Австралиската актерка Марго Роби, најпозната по улогата на „лудата“ Харли Квин во „Одредот на отпишаните“, ќе глуми во следниот проект на режисерот Вес Андерсон.
Филмот на Андерсон, чиј наслов се уште не е познат, треба да почне со снимање кон крајот на месецов во Шпанија.
„Холивуд репортер“ пренесува дека неколку актери од претходните филмови на Андерсон, исто така, ќе глумат во новиот филм, вклучувајќи ги Адриен Броди, Бил Мареј и Тилда Свинтон, а за прв пат и оскаровецот Том Хенкс ќе соработува со познатиот режисер.
Марго Роби во мигов ја снима историската драма „Вавилон“ со Бред Пит, а ќе глуми и во новиот филм на Грета Гервиг – „Барби“.
