Мемекоинтот на Меланија Трамп целосно се урна, паѓајќи под границата од 1 долар денес за прв пат од неговото лансирање. Во моментот на пишување, се тргува за околу 99 центи, што е пад од над 93 отсто од рекордното високо ниво од 13,73 долари за монета.
Финансиските и крипто аналитичари ова го нарекуваат еден од подраматичните колапсови на криптовалутите оваа година, поради што американскиот претседател Трамп и неговата сопруга се обвинети за пазарни манипулации, инсајдерски тргување и врски со други контроверзни криптовалути.
Еден ден пред инаугурацијата на Доналд Трамп за претседател, на 19 јануари оваа година, Меланија Трамп лансираше криптовалута наречена $MELANIA на блокчејнот Солана. Нејзината криптовалута беше промовирана како „дигитален колекционерски предмет“ наместо како инвестиција, но цената брзо скокна за неверојатни 24.000% неколку часа по нејзиното лансирање, достигнувајќи пазарна вредност од повеќе од 2 милијарди долари.
