Напаѓачи на мотор фрлиле рачна бомба во рускиот конзулат во грчкиот главен град Атина, јавува Ројтерс, повикувајќи се на грчката полиција.
„Веројатно се работи за рачна бомба. Никој не е повреден“, рече за агенцијата неименуван полициски службеник.
Се наведува дека засега никој не превзеде одговорност за нападот на конзулатот кој се наоѓа во областа Психико.
Ројтерс наведува дека напади на конзулати и познати личности се чести во Грција, каде што има долга историја на насилства. Левичарските групи често превземаат одговорности за ваквите напади.
