Републикански конгресмен се залага претседателот Доналд Трамп да биде ставен на новоосоздадена банкнота од 250 долари.
Доколку предлогот биде одобрен, тоа би претставувало историски преседан, бидејќи Трамп би станал првиот жив претседател што ќе биде прикажан на американската валута.
Според нацрт-законот предложен од конгресменот од Јужна Каролина Џо Вилсон, Бирото за гравирање и печатење ќе треба да дизајнира банкнота од 250 долари со ликот на претседателот Трамп.
Вилсон ја оправда својата иницијатива со „Бајденинфлација “, наведувајќи дека моменталната состојба на економијата ги принудува Американците да носат повеќе готовина. „Највредната банкнота за највредниот претседател! , напиша тој на социјалната мрежа Х.
Терминот „Бајденинфлација“ беше измислен од критичарите на поранешниот претседател Џо Бајден за да ја опише инфлацијата што се зголеми за време на неговата администрација. За време на неговото претседателство, инфлацијата достигна врв од 9,1 отсто во средината на 2022 година. – највисоко ниво од раните 1980-ти.
Белата куќа тогаш ги обвини глобалните фактори како што се прекините на синџирот на снабдување, пандемијата КОВИД-19 и војната во Украина за порастот на инфлацијата. Сепак, критичарите ги посочија политиките на Бајден – зголемените владини трошоци, енергетските регулативи и економскиот стимул – како главна причина за растот на цените на основните потреби, горивото и домувањето.
