Фотографијата на принцезата од Велс, направена од нејзиниот шестгодишен син, принцот Луис, беше објавена по повод Светскиот ден на борбата против ракот.
Сликата ја прикажува Кејт во шума покриена со мраз со раширени раце и е снимена во Виндзор во последните недели.
Заедно со фотографијата, принцезата на Инстаграм напиша „Не заборавајте да се грижите за се што се крие зад болеста“.
Палатата Кенсингтон вели дека фотографијата отсликува колку е важно да се биде во природа за принцезата, која во јануари објави дека е во ремисија од рак откако и беше дијагностициран минатата година, пренесува Би-Би-Си.
Во текот на викендот, принцезата од Велс повика на „ребаланс“ во општеството за да им се овозможи на луѓето да им дадат приоритет на своето физичко и ментално здравје.
Таа постепено се враќа на работа по завршувањето на третманот за рак – и во неделата започна нова фаза во нејзиниот образовен проект во раните години, поттикнувајќи повеќе емпатија и љубезност.
„Понекогаш може да изгледа дека светот е исполнет со недоверба и недоразбирање, оставајќи многу луѓе да се чувствуваат изолирано и ранливо во тешки времиња“, напиша таа во извештајот на нејзината добротворна организација.
