Дипломати од Русија и САД се сретнаа денеска во Истанбул, како што беше планирано, додека Владимир Путин коментираше дека контактите меѓу двете земји даваат надеж за обновување на нивните дипломатски односи.
Состанокот одржан денеска во Турција уследи по американските и руските разговори во Ријад минатата недела, каде што највисоките дипломати се согласија да ги обноват дипломатските односи како дел од пошироките напори за подобрување на билатералните односи.
Рускиот претседател зборуваше повеќе од половина час на оваа тема, кажувајќи ѝ на безбедносната служба дека првичните контакти со администрацијата на американскиот претседател Доналд Трамп даваат причина за надеж.
Владимир Путин, исто така, наводно, инсистирал дека Русија и САД се подготвени да започнат соработка и да покажат реализам, и покрај неговите тврдења дека „некои западни елити ќе се обидат да го поткопаат нашиот дијалог“.
Според Скај њуз, Путин рекол и дека Русија не отфрла мирно решение за војната во Украина.
Марија Захарова, портпаролка на руското Министерство за надворешни работи, коментира дека новата рунда разговори во Истанбул ги доближува двете земји „поблиску до надминување на разликите“.
Говорејќи пред новинарите, Захарова додаде дека дијалогот ќе ги зајакне „мерките за градење доверба“.
