Властите во Хонг Конг објавија дека го завршиле гаснењето на пожарот во станбениот комплекс Таи По, кој одзеде најмалку 128 животи, објави денес Би-Би-Си.
Властите велат дека 79 лица се повредени, од кои повеќе од 50 се во болница, додека речиси 300 лица се водат како исчезнати.
Меѓу хоспитализираните, 12 се во критична состојба, а 28 се во многу сериозна состојба, објави Би-Би-Си.
Меѓу загинатите, 89 сè уште не се идентификувани, рече тој.
Прелиминарната истрага покажа дека запаливиот полистирен поставен над прозорците на лифтот на секој кат го забрзал ширењето на пожарот низ ходниците и становите.
Властите велат дека ниту мрежестата заштита ниту металните лимови на надворешната страна на зградата не ги исполнувале стандардите за противпожарна безбедност, па затоа три лица – двајца директори и консултант на изведувачот задолжен за реновирањето – се уапсени под сомнение за убиство од небрежност.
