Од Горажде ни пристигнува емотивна и позитивна приказна. Семејството Пљевљак е збогатено за уште едно, шесто девојче. Пороѓајот помина успешно благодарение на навремениот пристиг на медицинскиот тим од Канторалната болница Горажде.
Во тимот беше и медицинарот Ален Мухиќ, пошироката јавност го познава и како член на здружението „Заборавени деца на војната“.
За него овој настан бил посебен, бидејќи го потсетил на минатото.
„Чудесна недела во Горажде. Дојде повик – жена се породува на терен. Сестрата Фата и јас заедно тргнуваме и стигнуваме во точното време. Во тој момент, во семејната куќа, на свет доаѓа уште едно девојче, шесто по ред во семејството Пљевљак.
Посебен момент за мене… бидејќи токму таа Фата ме носеше мене низ војната, го спасуваше мојот живот, а денес, 32 години подоцна, имавме можност заедно да помогнеме еден нов живот да ја види светлината на денот. Животот пишува чудесни приказни – круговите се затвораат, а новите се отвораат. Честитки до семејството Пљевљак и добредојдена, принцезо“ – напиша Мухиќ.
Тој истакна дека не очекуваат пофалби ниту честитки:
„Својата работа ја ставаме на прво место, бидејќи работиме одговорно, професионално и човечки пред сè. Такви приказни има малку, но многу значат. Значењето е во тоа што придонесуваме за заедницата. Херои во бело. И сме…“ – напиша Мухиќ.
Ален е роден како дете од воено силување и веќе децении отворено сведочи за својата животна приказна, која ја пренел и во книгата „Јас сум Ален“, автобиографско дело. Станува збор за потресно сведоштво во кое опишува детството, траумите, но и силата со која поминал низ животот.
