Во вчерашните вести можевте да прочитате дека пејачката Тамата Тодевска која е бремена по вторпат, во интервју за 1ТВ го откри името на своето неродено бебе кое инаку ќе биде машко.
Веста инстантно се рашири по сите домашни поратли, а некој веројатно од брзање лошо слушнал, прочитал или згрешил во куцање, па наместо Дарен, напишаа дека бебето ќе се вика ДаренТ.
Кога Тамара го прочита ова, не можеше, а да не изреагира дека нејзиното се уште неродено синче веќе е прекрстено, па мораше да реагира.
-Не е Дарент, туку Дарен, напиша Тамара во објавата.
Инаку, пејачката вели дека ова и е лесна бременост и се чувствува одлично, а бебето треба да пристигне кон крајот на годината.
Тодевска и нејзиниот сопруг, Александар Димитровски викендов беа на свадба. Во црн фустан, Тамара го покажа своето трудничко стомаче, а пејачката се фати за микрофонот и отпеја неколку песни и направи „луда“ атмосфера.
Инаку, Тамара периодов е актуелна со новата песна „Довидување таго“ која минатата недела беше промовирана заедно со видеоспотот.
Се работи за авторско дело, музика и аранжман на Роберт Билбилов, со текст на Игор Џамбазов, веќе проверена комбинација за песните на Тамара.
По долги три години, конечно најдов песна за себе – вели Тамара.
Видеоспотот е дело на Чедо Поповски. Погледнете и уживајте:
