Популарно руско шоу им покажа на гледачите што ќе се случи доколку нуклеарна ракета ги погоди Берлин, Париз и Лондон.
Во симулацијата, ракетата беше лансирана од Калининград во Балтичкото Море. Стигна до Берлин за 106 секунди, Париз за 200 секунди и Лондон за 202 секунди.
Во шоуто учествуваше и лидерот на националистичката партија Родина, Алексеј Журављов. Тој ја коментираше симулацијата, велејќи дека Британија повеќе нема да постои.
„Еден сарматинец и тоа е – Британските острови некогаш постоеле, Британските острови повеќе не постојат“, сериозно вели Журављов.
Russian TV keeps threatening nuclear strikes against Western nations, desperately trying to deter them from continuing to help Ukraine. On a side note, this is the first state TV host who doesn't seem to be eager to die for the Motherland, arguing with a trigger-happy lawmaker. pic.twitter.com/PBvBP5V1lk
— Julia Davis (@JuliaDavisNews) April 28, 2022
Другиот учесник во шоуто, Евгени Попов од партијата Единствена Русија, вели дека и Британија има нуклеарно оружје и сличен напад со ракетата Сармат нема да резултира со тоа што никој од двете страни нема да преживее.
Според различни извештаи, можно е Владимир Путин да ѝ објави војна на Украина на Денот на победата, 9 мај.