Литванските власти објавија дека од денеска стапува на сила забраната за транспорт на стоки опфатени со европските санкции до руската енклава Калининград преку нивна територија.
Гувернерот на Калининградската област Антон Алиханов изјави дека забраната ќе опфати околу 50 отсто од стоката што ја увезува Калининград.
„Сметаме дека ова е најсериозното прекршување на правото на слободен транзит до и од регионот Калининград“, рече Алиханов во видео објава.
Тој најави дека властите на Калининград ќе работат на укинување на суспензијата.
Санкциите на ЕУ првенствено вклучуваат јаглен, метали, градежни материјали и напредна технологија.
Сегашното стапување во сила е потврдено од филијалата на литванските државни железници во писмо до клиентите по „објаснувањето“ на Европската комисија во врска со механизмот за санкции.
Портпаролот на огранокот ја потврди содржината на писмото, но одбил да коментира.
Министерството за надворешни работи не се согласило на барањето за коментар.
Лоциран помеѓу членките на ЕУ и НАТО, Полска и Литванија, Калининград добива испораки од Русија со железница и гасовод преку Литванија.
Таа енклава била заземена од Црвената армија во април 1945 година во нацистичка Германија и оставена на Советскиот Сојуз по Втората светска војна.
Калининград е седиште на руската балтичка флота и ракетите „Искандер“, кои можат да носат нуклеарни боеви глави, а се наоѓа на балтичкиот брег, меѓу Литванија и Полска, двете членки на НАТО, и нема копнена граница со Русија.
Во февруари, Литванија го затвори својот воздушен простор за летови од Русија до Калининград, принудувајќи ги комерцијалните превозници да поминуваат подолг пат преку Балтичкото Море.