Поранешната потпретседателка на Европскиот парламент, Ева Кајли останува во притвор. Судот во Брисел, пред кој таа се појави денеска, го одби нејзиното барање да биде ослободена и следена со електронска нараквица. Оттаму и го продолжиле притворот за 1 месец, прецизираат од обвинителството. Сепак, нејзините адвокати можат да се жалат на одлуката.
Кајли беше обвинета за учество во корупциска шема во корист на Катар. Вкупната сума запленета во текот на истрагата изнесува 1,5 милиони евра, а дел од парите се најдени кај неа и кај нејзиниот татко.