Од јавното претпријатие „Водовод и канализација“ информираат дека саниран е големиот дефект кај Кеј „Димитар Влахов“ во непосредба близина на Младинскиот културен центар.
Како што велат, дефектот бил саниран ноќеска во 03:50 часот.
Поради пукната голема водоводна цевка, поради која беше поплавена и улицата кај МКЦ, вчера од 08:50 часот без вода останаа и корисниците на дел од Крњево, Керамидница, Т.Ц „Ист Гејт“,бул.„Александар Македонски“ до бензинската пумпа „Лук Оил“, Пожарната, а намален притисок имаа населбите „Маџари“ и „Хиподром“.