Првичните резултати од парламентарните избори што Државната изборна комисија ги објавува, покажуваат дека од обработени 54,36 отсто од избирачките места, Коалицијата „Твоја Македонија“ на ВМРО-ДПМНЕ има освоено 188.616 (39,14%), Европски фронт на ДУИ 84.156 (17,46%), Коалицијата од албанскиот опозициски блок „Вреди“ 69.445 (14,41%), а Коалицијата за европска иднина предводена од СДСМ 63.641 (13,21%).
Лавица има 31.012 (6,44%), Движење ЗНАМ – За наша Македонија 22.741 (4,72%).
Останатите партии и коалиции кои учествуваа на изборите имаат под еден процент гласови.
