Од СДСМ велат дека премиерот Христијан Мицкоски влегол во улога на полицаец и обезбедувач кој во иднина ќе ja спроведувал лично Претседателката на Косово Вјоса Османи, да се избегнеле скандали.
Според нив, Мицкоски е султан.
„Оваа изјава е скандал сама по себе.
Дали ова значи дека во иднина тој лично ќе и гарантира дека не треба да ги помине и почитува пропишаните процедурите? Каква е оваа порака на непочитување кон професионалците од МВР и аеродромот кои доследно ги спроведувале процедурите?
Со ова Мицкоски потврдува дека повторно доаѓа време кога законите не важат, а процедурите може да се кршат според волјата на султан Мицкоски и неговите коалициски партнери.
Јавноста треба да знае дека при иста идентична ситуација во времето на СДСМ и барање на косовската Претседателка да помине надвор од пропишаните процедури, јасно и било кажано како треба тоа да го стори и токму на тој начин се спровела проверката.
Тогаш немало пиштолџии кои доаѓале на аеродромот да му се закануваат на обезбедувањето кое професионално ги спровело процедурите. Тогаш немало јавување по телефони и политичко влијание од страна ниеден политичар и затоа немало ниту скандал.
Со изјавата дека следниот пак ќе ја придружува косовската претседателка на аеродром за да се избегнат инциденти, Мицкоски исто така ја прејудицира и влијае на истрагата на Обвинителството и особено на делот на Обвинителството задолжен за прекршоци од страна на полицијата, иако е јасно кој и како ги прекршил законите.
Прво, тоа е Африм Гаши испраќајќи го своето обезбедување, и второ обезбедувањето“, велат од СДСМ.