Резултатите од тестирањето на жената посетителка на Зоолошката градина за птичји грип се негативни, потврди доктор Марија Андоновска, директорка на Институтот за јавно здравје.
Жената е родена 1958 година.
„До сега нема пријавени други случаи за тестирање за птичји грип. Единствени лица кои беа тестирани се двајцата вработени и оваа жена, која сама побарала тестирање“, рече Андоновска.
Таа истакна дека, со оглед на негативните резултати на вработените, не постои ризик за посетителите, бидејќи е потребен многу блиски контакт за да дојде до пренос на вирусот.