Девојката Малика Ал Катиб (8) починала откако наводно била прободена со нож во вратот додека се обидувала да ја заштити мајка си од напад во нивниот дом во Ирска.
Малена почина вчера од повредите во нејзиниот дом во Њу Рос, оставајќи го нејзиното семејство со скршено срце, а заедницата шокирана од трагедијата што ги снајде.
Инцидентот се случил во неделата вечерта околу 23 часот и 45 минути и девојката веднаш добила лекарска помош на лице место. Таа потоа била однесена во болницата Вотерфорд каде подоцна починала. Нејзината мајка се здобила со повреди кои не се опасни по живот и е хоспитализирана.
Главен осомничен во случајот е маж познат на девојката и нејзината мајка. Претпоставува дека е по потекло од Кувајт, а по инцидентот за кој е осомничен бил задржан на лекување поради самоповредување и бил под полициски надзор.
Извори за Дејли Мејл изјавиле дека во семејната куќа избила расправија, која потоа продолжила надвор на улица.
“Тоа е апсолутна трагедија. Зборував со членовите на семејството кои се само уништени, како што можете да си замислите. Осумгодишно дете да биде убиено вака. Тоа е толку потресно. Зборовите се проширија низ градот, како што можете да замислите Моите мисли се со семејството и ќе направиме се што можеме за да им помогнеме“, рече локалниот советник Џон Двајер.
„Во расправија била фатена меѓу два „огна“ и била прободена со нож во вратот. Ова се случило пред очите на нејзината мајка, па можете само да замислите на што била сведок“, велат полициските службеници.
„Мажот потоа се обидел да му стави крај на животот, но не успеал. Во оваа фаза му се лекуваат повредите, но во болницата има вооружени чувари“, се додава.
Истрагата е во тек, а во моментов полицијата следи една линија на увид во која главен осомничен е маж кој се лекува во болница.