Скопје е подготвено за дочек на Новата Година. На плоштадот „Македонија“ вечерва ќе се одржи „Празнична магија 2025“ што ја организира Град Скопје, пишува МИА.
Новогодишната програма ќе започне во 19:30 часот со настап на Сара Мејс по што ќе настапат „Љубојна“ и „Ареа“, а Новата Година ќе биде дочекана со настапот на музичката група „Нокаут“.
Дочек на Новата година организира и скопската општина Кисела Вода, каде според најавите, ќе има богата музичка програма пред спортската сала „Расадник“ каде ќе настапат „Куку Леле“, „ДНК“, Врчак и Влатко Лозановски пред спортската сала „Расадник“.
Новогодишна програма организира и општина Шуто Оризари.