Денеска е погребот на папата Франциско, а по тој повод илјадници верници почнаа да се собираат на плоштадот „Свети Петар“ уште во 6 часот наутро за да го испратат папата во неговото вечно почивање.
Како ќе изгледа денот на погребот
Откако ќе биде положен во базиликата „Свети Петар“ три дена, ковчегот на папата Франциск наскоро ќе биде изнесен од базиликата и префрлен на плоштадот „Свети Петар“ – кој се наоѓа веднаш пред главниот влез.
Погребна миса ќе се одржи на отворено, а се очекува да присуствуваат шефови на држави и десетици илјади ожалостени.
Церемонијата ќе започне во 10 часот наутро и ќе трае приближно час и половина.
По мисата, телото на папата Франциск ќе биде префрлено во базиликата „Санта Марија Маџоре“ во Рим, каде што ќе биде погребан.
Потоа ќе започне деветдневен период на жалост.