Видео кое ја открива драматичната слика на пожарот што беснее во околината на Блаце, помеѓу селата Блаце и Чучер-Сандево.
Снимката, направена од височина, го прикажува разгранетиот фронт на огнот, кој се движи низ густата ниска вегетација и мешана шума, во стрмен и тешко пристапен ридско-планински терен.
Според информациите од терен, еден крак од пожарот е веќе изгаснат, но друг и понатаму останува активен и се шири. Интервенцијата на терен е отежната поради конфигурацијата на теренот и поволните услови за ширење на огнот – високи температури и ветер.
Во гаснењето се вклучени теренски екипи, како и воздушни сили, меѓу кои и авион Ер Трактор AT-802A Fire Boss на ДЗС и полициски хеликоптер Agusta-Bell AB-212AM.
Од надлежните служби повторно се апелира до граѓаните да бидат максимално внимателни, особено во близина на отворени површини и шуми, бидејќи дури и најмало невнимание може да предизвика катастрофални последици.