Министерството за здравство информира дека синоќа во кругот на Клиничката болница „Др. Трифун Пановски“ – Битола избил пожар, предизвикан од запалена сува трева.
Пожарот веднаш бил пријавен во Центарот за управување со кризи и противпожарната станица, по што надлежните служби навремено и ефикасно интервенирале и го локализирале за кратко време.
Од болницата известуваат дека се преземени сите неопходни мерки за заштита и следење на состојбата. Нема оштетувања на болничките објекти, ниту е загрозена безбедноста на пациентите и вработените. Работата на установата продолжува непречено.
Интервенцијата завршила без потреба од евакуација или дополнителни безбедносни мерки. Министерството за здравство нагласува дека континуирано ја следи состојбата во сите јавни здравствени установи.