Владата на денешната седница донела одлука за прогласување на кризна состојба во Македонија поради зголемена појава на пожари.
Истата е во траење од 30 дена.
Портпаролката на Владата, Марија Митева истакна дека одлуката е донесена врз основа на денешните седница на Управувачкиот комитет за координација и управување со системот со кризи поради сложеноста на теренот, високите температури, силните ветрови и ризикот за животната средина.
„Ова на терен значи се овозможува интегриран пристап и координирано дејстување на сите надлежни институции, Армијата, полицијата, противпожарната, Центарот за управување со кризи (ЦУК) и Дирекцијата за заштита и спасување (ДЗС), како и локалните самоуправи. Ќе се мобилизираат сите ресурси, човечки, технички, логистички, со цел да се справиме со пожарите и заштита на населението“, кажа Митева
Таа рече дека Владата ќе обезбеди итна и навремена помош за сите засегнати подрачја заради спречување поголеми последици.