Воената состојба на Блискиот Исток, која започна со нападот на Израел врз Иран, се пренесе и на кошарката, односно на јуниорскиот турнир на Евролигата во Абу Даби.
Поради бомбардирањето во овој регион беше прекинат натпреварот помеѓу јуниорите на грчкиот Арис и екипата на Монако.
Евролигата соопшти дека натпреварувањето е привремено прекинато како мерка на претпазливост.
„Квалификациите за јуниорскиот турнир на Евролигата во Абу Даби привремено се суспендирани како мерка на претпазливост. Евролигата и домаќинот активно ја следат ситуацијата, а дополнителни информации ќе бидат соопштени во соодветно време“, соопштија од Евролигата.