Времето денеска претпладне ќе биде сончево со умерена облачност, додека во попладневните часови се очекува промена со нестабилна облачност, проследена со пороен дожд и грмежи на повеќе места низ државата.
Според прогнозата, локално атмосферските процеси ќе бидат поинтензивни и можно е невреме со обилен дожд, силни електрични празнења, засилен ветер и услови за појава на град.
Попладне ќе дува засилен до силен ветер од западен правец, а во западните делови повремено ќе достигнува брзина над 60 километри на час.
Максималната дневна температура ќе се движи од 22 до 28 степени.
Во Скопје, претпладне времето ќе биде сончево, а попладне се очекува нестабилност во делови од котлината со пороен дожд, засилен ветер и грмежи. Максималната температура во главниот град ќе достигне до 28 степени.
Најниски утрински температури се измерени во Лазарополе и на Попова Шапка со 7 степени, додека најтопло утрово било во Штип, Куманово, Виница, Кавадарци и Скопје-Зајчев Рид со 12 степени.