Тетово со намален прилив на вода поради дефект на водоводот од Лешница, информираат од ЈКП „Шар“.
Поради интервенција на мрежата, водоснабдувањето кон филтер-станицата е привремено прекинато, со што протокот во системот е намален за околу 100 литри во секунда (од 430 на 330 л/с).
Екипите на претпријатието се веќе на терен и работат на санација на дефектот. Од ЈКП „Шар“ истакнуваат дека доколку има потреба, ќе ги активираат градските бунарски системи за да одржат стабилен притисок во градот, а граѓаните дополнително ќе бидат информирани за состојбата.