Припадници на Жандармеријата со автобуси пристигнале во зградите на Собранието на Србија и Стариот двор во Белград. Во целиот центар на градот е засилено полициското присуство, а специјалните сили се распоредени пред зградата на Републичката изборна комисија (РИК), пишува порталот „Нова.рс“.
Во центарот на Белград се забележани и возила за разбивање протести, додека на автопатот е забележана колона полициски комбиња.
До засилените безбедносни мерки доаѓа на денот на одржувањето на предвремените парламентарни избори во Србија. Право на глас имаат 6.451.292 избирачи, а гласањето се одвива на 8.392 избирачки места, кои се отворени од 7 до 20 часот.
Во текот на изборниот ден се регистрирани и повеќе инциденти.
Возилата што денеска се појавија на улиците во Белград граѓаните првпат ги виделе за време на летните протести во Нови Сад во 2025 година, кога биле користени за потиснување на демонстрантите од булеварите и пошироките улици. Во нив тогаш се наоѓале припадници на Жандармеријата.
Veliki broj vozila žandarmerije doveo je pripadnike ove jedinice u punoj opremi za razbijanje demonstracije u ranije ograđen prostor ispred Republičke izborne komisije koji gleda na Pionirski park. U ovom delu isključeno je ulična rasveta. https://t.co/l8T3Y2mQmF
— Mašina (@MasinaRS) October 25, 2026