Претседателот на Србија Александар Вучиќ ќе учествува на состанок на лидерите на Западен Балкан во Охрид. Ова денеска го најавија од прес-службата на српскиот претседател.
Вучиќ во Северна Македонија ќе престојува на 9 и 10 ноември.
Во Охрид ќе продолжат разговорите почнати пред месец дена во Нови Сад помеѓу Рама, Вучиќ и Заев за укинување на препреките за слободен проток на производи, услуги, капитал и луѓе помеѓу Србија, Северна Македонија и Албанија.
Најавени се подготовка на активни мерки за спроведување на оваа иницијатива, кои ќе бидат претставени токму во Охрид.