Апелациониот суд повторно ќе решава за гаранцијата која ја понуди Катица Јанева за да излезе од притвор од затворот во Шутка, и да биде пуштена на домашен притвор.
Одбраната на екс обвинителката првично понуди имот како гаранција дека нема да избега, но беше одбиено. Одлуката беше обжалена од адвокатите.
Решението е вратено во основниот суд на повторно разгледување, но сега наместо судија на претходна постапка ќе го разгледува Кривичен совет во овој суд бидејќи во меѓувреме за случајот „Рекет“ каде е обвинета Јанева, се поднесе обвинение каде што екс обвинителката се терети на земање на 50.000 евра и мебел во вредност од 5.000 евра.
