Велигденската торта и бојадисаните јајца се задолжителен украс на трпезата. Методите на правење велигденски јајца се многу различни, а крајните резултати се неверојатни. Истото важи и за велигденската торта.
Велигден е најголемиот православен празник, кој се паѓа во пролет, во време кога природата повторно цвета, па пролетните цвеќиња можете да ги искористите и за украсување на вашата велигденска трпеза.
Оваа торта лесно се подготвува, а крајниот резултат изгледа како да сте вистински мајстор во кујната!
Состојки:
500гр брашно
250 мл млеко
2 јајца
25 гр свеж квасец
125 гр путер
1 лажичка сол
1 лажица шеќер
За премачкување на тортата:
1 јајце
1 лажица млеко
сусам
Подготовка:
Промешајте го квасецот со малку млако млеко и шеќер и оставете го да набабри. Во брашното се ставаат јајцата, солта, квасецот и млекото, се замесува мазно тесто и се остава да отстои околу половина час, додека не се удвои. Расукајте го тестото со сукало, премачкајте го со растопен путер и свиткајте како буква. Постапката повторете ја 5 пати, додека не се потроши целиот путер. Расукајте го тестото со големина 80х15, исечете го на 3 ленти и направете плетенка. Плетенката свиткајте ја во круг и ставете ја во тава премачкана со путер и посипана со брашно, покријте ја со памучна крпа и оставете ја на топло место околу половина час. Премачкајте со жолчка и млеко, па посипете со сусам. Потоа лебот се пече во загреана рерна на 200 степени околу 10 минути. Потоа намалете ја температурата на 180 степени и продолжете со печењето додека колачот не порумени. Готовиот колач покријте го со памучна крпа, оставете го да отстои малку и послужете. Пријатно!
