Доколку сакате да ја израдувате вашата сакана на Денот на вљубените, тортите или чоколадните колачи се вистинскиот избор.
Состојки:
– 150 гр маргарин
– 150 гр шеќер во прав
– 50 мл млеко
– 400 гр мелени бисквити
– 150 гр мелени ореви
– 100 гр печени кикирики
– 200 гр чоколадо
Рецепт за чоколадни топчиња од кикирики:
Во сад измешајте ги маргаринот и шеќерот во прав, па истурете млеко. Добро измешајте со миксер, па додадете ја мелената плазма, изблендираните кикиритки и оревите. Сè добро соединете.
Земете малку од смесата и формирајте топчиња со големина на ореви. Наредете на плех и ставете во фрижидер додека ја правите глазурата.
Растопете ја чоколадата и во неа расукајте ја секоја топка. Се редат на плех, па се ставаат во фрижидер еден час да се стегне чоколадото.