„Ве информираме дека дефектот е отстранет на потисниот цевковод на пумпната станица и дека за скоро време се очекува нормализирање на водоснабдувањето во Општина Битола“, информираа вечерва од јавното комунално претпријатие Водовод, Битола.
Од рано утрово Битола беше без вода поради сериозно оштетување на еден од највиталните делови на пумпната станица „Довлеџик“ од каде се испумпува вода од стрежевската акумулација.
Од ЈП Водовод велат дека се работи за децениски стар затворач, а причините за неговото оштетување се познати.
Новонастанатата состојба предизвика мала паника кај битолчани. Од маркетите масовно се купуваат пакети со питка вода.
