Во последните два часа во повеќе делови на Скопје и на Македонија се спроведува координирана акција на единици на МВР, чија цел се членови на насилни криминални групи, пишува Плус инфо.
Во моментов забележливо е големо присуство на полициски сили во скопските општини Чаир и Арачиново, но и во други делови на Скопје.
Единиците на МВР се подготвени за бурна ноќ, бидејќи акцијата ќе се прошири и во други градови.
Од МВР информираа дека се спроведува акција за лишување од слобода на сторители на кривични дела на неколку локации низ државата. Повеќе информации за акцијата ќе бидат соопштени во текот на утрешниот ден.