Град Скопје информира дека денеска и утре, во раните утрински часови, ќе се спроведе авионска дезинсекција за уништување на возрасните форми на комарци.
По неа, на 30 јуни ќе започне и терестричната (од земја) дезинсекција, која ќе се реализира до 3 јули, во ноќните часови, од 22:00 до 03:00 часот.
Од Градот напоменуваат дека, доколку временските услови не дозволат спроведување на дезинсекцијата, таа ќе биде одложена за првиот нареден ден со поволни временски услови, во истиот термин.
Град Скопје апелира до пчеларите навреме да ги преземат сите неопходни мерки за заштита на пчелите.