На првата следна собраниска седница, Собранието ќе треба ја да потврди оставката на пратеникот Флорин Бесими кој денеска информираше за истата.
Според членот 102, став 1 од Законот за избор на пратениците во Собранието следниот на листата ќе биде идниот пратеник во десеттиот парламентарен состав.
Член 102
(1) Ако на пратеник кој е избран од листата на кандидати му престане мандатот според еден од основите утврдени во членот 101 на овој закон, тогаш за остатокот од мандатот, пратеник на Собранието станува наредниот кандидат од листата.
Сега на потег е Државната изборна комисија која во рок од три дена по оставката треба да го извести следниот на листата, во случајов Фазли Бедри. Доколку пак Бедри во следните осум дена не потврди дека го прифаќа мандатот за пратеник, ДИК мандатот ќе го додели на следниот на листата кандидати за пратеници.
Член 102
(2) Државната изборна комисија го известува наредниот кандидат од листата во случаите од ставот (1) на овој член, во рок од три дена од престанокот на мандатот на пратеникот.
(3) Ако наредниот кандидат од листата од ставот (2) на овој член не ја извести Државната изборна комисија во рок од осум дена за прифаќањето на мандатот, тоа право се пренесува на наредниот кандидат од листата.
(4) Во случај кога е исцрпена листата на кандидати согласно со одредбите од ставовите (1), (2) и (3) на овој член, остварувањето на ова право започнува повторно од почетокот на листата на кандидати, доколку на листата има кандидати.
.
