Повеќе од 53 лица имаат различни видови повреди од шок бомби, солзавец и удари, тројца се задржани во болница, а едно лице е во животна опасност и има прострелни рани, изјави Златан Елек, директор на Клиничкиот болнички центар во Косовска Митровица. изјави N1.
РТС претходно извести дека има многу повредени лица, на кои им е укажана помош во Здравствениот дом во Звечан, а оние со посериозни повреди се пренесени во болницата во Косовска Митровица.
Меѓу повредените е и репортер на агенцијата Танјуг.
Во Звечан и во Лепосавиќ од утрово е забележливо зголемено присуството на силите на КФОР. Според новинарите N1, силите на КФОР се опремени да ги разбијат демонстрациите. Во попладневните часови во Звечан дошло до судир меѓу силите на КФОР и насобраните граѓани, биле фрлени шок бомби и солзавец, а биле фрлани и камења и шишиња.