Скопје ќе ја дочека Новата 2025 година со богат музички програм на плоштадот „Македонија“.
Настанот, кој ќе започне во 19:30 часот, ќе ги обедини граѓаните со настапите на „Sarah Mace & The Girlzz“, „Љубојна“, „Ареа“ и „Нокаут“.
Според информациите, „Sarah Mace & The Girlzz“ започнуваат од 19:30 часот, потоа од 20:30 следува „Љубојна“, па од 22 часот „Ареа“ и за крај од 23:30 часот настап ќе имаат и „Нокаут“.
Се повикува на масовно присуство, најавувајќи празнична атмосфера, музика и забава за сите генерации.