Драма во Пенсилванија: Единаесет лица, меѓу кои и деца, хоспитализирани по јадење отровни печурки

Единаесет лица, меѓу кои и деца, се пренесени во болница во Пенсилванија бидејќи им се слошило откако јаделе отровни печурки, соопштија американските власти.

Итниот персонал интервенирал откако на овие луѓе им се слошило во градот Пич Ботом во Пенсилванија, објави АП. Шефот на противпожарната служба Лора Тејлор изјави дека возрасните и децата се пренесени во болница и се во стабилна состојба.

Населението Пич Ботом се наоѓа во близина на Мериленд, околу 90 километри југоисточно од Харисбург, главниот град на Пенсилванија.