Регионалниот центар за управување со кризи (РЦУК) Охрид известува дека во 12:56 часот, од единствениот број за итни случаи 112 во ЦУК е добиена пријава за заглавени две лица во снегот со возило „мерцедес“ на Галичица во близина на црквата Св. Наум, на патниот правец што е забранет за сообраќај.
Од ЦУК, веднаш беше информирана Единицата за спасување на планина од Охрид. Во оптимално брзо време беа лоцирани и спасени заглавени две лица во снегот на Галичица, вклучувајќи го и возилото марка „мерцедес“ .
ЦУК го пренесува кусиот рапорт, од спасителите од Охрид, дека акција е завршена на 14:15 часот, комплетно и успешно.