Министерот за правда Игор Филков им го честита 3 Мај-Светскиот ден на слободата на медиумите на сите новинари, сниматели, фоторепортери, монтажери и медиумски работници.
Честитката ви ја пренесуваме во целост:
Слободата на медиумите е основа на секое демократско општество. Без неа – нема вистина, нема правда, нема одговорност.
Денес, на Светскиот ден на слободата на медиумите, ја потврдувам мојата цврста заложба: – Да ги штитиме новинарите. – Да обезбедиме безбедна средина за независно известување. – Да не дозволиме притисоци врз медиумите.
Министерството за правда останува посветено на создавање услови за слободно, професионално и одговорно новинарство. Преку законските измени за граѓанска одговорност за навреда и клевета, гарантираме поголема правна заштита и простор за слободно изразување – без страв и притисоци.
Кога медиумите се слободни, граѓаните се информирани, а правдата е погласна. Овој ден нека биде потсетник за заедничката одговорност што ја имаме во заштита на медиумските слободи.
Честит 3 Мај-Светскиот ден на слободата на медиумите!