Жителите коу буквално граничка со поранешната фабрика Треска се првите кои го пријавиле пожарот. Попладнево поразговаравме со нив и ни ги раскажаа првите моменти.
„Нашата куќа гледате дека ѕид со ѕид сме со фабриката. Седнавме да ручаме во дворот и во еден момент го забележавме пламенот, веднаш пријавивме во пожарна“, вели една од жителките од населбата.
Пожарот е подметнат, во тоа сите се сомневаат, но никој до овој момент не ги открива наводните сторители.
„Слушнавме експлозија и видовме две лица маскирани кои излегоа од кругот на фабриката, не знаеме во кој правец заминаа“, додава друга соседка.
Иако пожарот е изгасен, на терен се уште се екипи на територијалната противпожарна служба кои ќе останат таму во случај повторно пожарот да се разгори.
Теренот го обезбедува и полиција.