Игор Стефановски Иџе вечерва слета на скопскиот аеродром, а како што вели тој го пречека семејството, фамилијата, неговиот тим.
Со македонски знаме и многу емоции на скопскиот аеродром пристигна европскиот шампион.
За потсетување пред четири дена во португалскиот град Брага и официјално Игор Стефановски – Иџе е прогласен за европски шампион во ридско-брзински трки.
За Игор Стефановски – Иџе ова е трета европска титула во ова натпреварување кое го организира ФИА, откако претходно победуваше и во 2014-тата и 2015-тата година.
