Комисијата за натпревари при Фудбалската федерација на Македонија информира дека, по барање на Министерството за внатрешни работи (МВР), донесена е одлука за натпреварите од 17. и 18. коло во Прва МФЛ.
Комисијата го прифати барањето и одлучи дека натпреварите од 17. коло (03. декември, 13:00 часот) и 18. коло (08. декември, 13:00 часот) ќе се одиграат без присуство на публика.
Оваа одлука беше донесена врз основа на проценката на Министерството за внатрешни работи, поради неодамнешните инциденти со сквернавењето на знамиња и со цел да се спречи насилство или недолично однесување пред, за време и по натпреварите.