Денеска ( 20 декември ) околу 13 часот и 40 минути, во гостиварската населба Малеарди, товарно возило „Мерцедес“ со приколка со гостиварски регистерски таблици, што го управувал 51-годишниот гостиварец А.Т, удрил во 65-годишната гостиварка П.Ц.( пешак ).
Од удирањето, П.Ц. починала на самото место, а лекарите од Брза помош, кои во меѓувреме биле повикани, ја констатирале нејзината смрт.
Jавен обвинител и екипа од Полициската станица Гостивар извршиле комплетен увид.
Надлежен јавен обвинител од Основното јавно обвинителство Гостивар заедно со увидни екипи од Министерството за внатрешни работи врши увид на лице место каде денес околу 13.30 часот се случи сообраќајна несреќа. Според првичните сознанија товарно моторно возило удрило во жена на возраст од 65 години, која поминувала на пешачки премин. При тоа на сега починатата и се причинети повреди кои имале смртна последица.
Јавниот обвинител нареди обезбедување и прибирање на траги од лице место. Наредено е и вршење на сообраќајно техничко вештачење и обдукција на починатото лице. Воедно побарани и обезбедени се видео записи од околните камери. Возачот се наоѓа во полициска станица и се преземаат дејствија за утврдување на фактите во предметот.
