Вицепремиерката за политики за добро владеење Славица Грковска денеска во изјава за медиумите истакна дека играњето на будбал во министерки кабинет не е начин на кој треба да работат функционерите.
„Не сметам дека е тоа начин на којшто функционерите би требало да се однесуваат и сметам дека треба да се има малку повеќе сензибилитет за тоа како функционерите би требало да се однесуваат и каква слика даваат пред граѓаните“, смета Грковска.
Прашана во однос на судирот на интереси за фирмата на братот на вицепремиерот Артан Груби, која добила средства од Владата, таа истакна дека очекува ова прашање да го покрене и испита ДКСК, бидејќи тоа е, вели, во нивна надлежност.