Европската унија денеска соопшти дека четири земји-членки ќе испратат пожарникари во Грција за гаснење на големиот пожар во предградијата на Атина, на барање на грчката влада.
– Механизмот за цивилна заштита на ЕУ е активиран на барање на грчките власти – изјави портпаролот на ЕУ Балаж Ујвари во соопштението за медиумите, прецизирајќи дека Италија, Франција, Чешка и Романија ќе испратат пожарникари.
🚨🇬🇷GREECE'S WORST WILDFIRE OF THE YEAR SPREADS INTO ATHENS SUBURBS, FORCING EVACUATIONS
Fanned by gale-force winds, the fire, which started near the village of Varnavas, has reached the deepest into the capital in over 2 decades.
— Playerzo2 (@Playerzo2) August 12, 2024
Повеќе од 560 пожарникари со поддршка на доброволци, 17 авиони со водени бомби и 15 хеликоптери се борат со огромниот шумски пожар што избувна вчера во 15 часот по локално време во близина на Варнавас, 35 километри северно од Атина, јави Ројтерс.
До утринава пожарот се прошири на југ и гореше на неколку фронтови, вклучувајќи го селото Граматико, античкиот град Маратон, крајбрежната општина Неа Макри и планината Пентели северно од Атина.
🚨🚨🚨North Suburbs Athens, Greece🇬🇷🙏
The fire has now entered Halandri.
The fire is burning uncontrollably at this time. The fire passed through Ano Chalandri, while burning businesses, land and homes.New revival in Dionysushttps://t.co/qgCqWGde3xhttps://t.co/IxuM5527hs pic.twitter.com/uO5JGDoC8R
— Mάnia Athanassiou (@athanassi2) August 12, 2024
Силниот ветер постојано го менува правецот на пламенот. Најмалку 11 градови и села беа евакуирани.
Противпожарните авиони ја прекинаа работата во текот на ноќта и продолжија во понеделник наутро. Полицијата помогнала во евакуацијата, а дел од жителите ја поминале ноќта во засолништа. Најмалку три болници во Пентели се евакуирани.
Претседателката на Европската комисија (ЕК), Урсула фон дер Лајен денеска зборуваше на платформата Икс и ја изрази својата поддршка за Грција која се бори со големи пожари.
We stand with Greece as it battles devastating fires.
The EU is sending support from its #rescEU fleet: two planes from Italy and a helicopter from France.
Firefighting teams from Czechia and Romania are also being deployed.
This is #EUSolidarity in action.
— Ursula von der Leyen (@vonderleyen) August 12, 2024
– Стоиме покрај Грција додека се бори со разорните пожари. ЕУ испраќа поддршка од својата противпожарна флота: два авиони од Италија и хеликоптер од Франција. Ангажирани биле и противпожарни екипи од Чешка и Романија. Ова е солидарност на ЕУ на дело – објави Фон дер Лајен на мрежата Х.
Пожарот, со пламен висок до 25 метри, се проширил „како молња“ поради бурните ветрови, изјави во неделата портпаролот на противпожарната служба Василис Ватракојанис.
🚨🚨🚨BREAKING – 🇬🇷Greece: Huge forest fires spread to Athens, evacuation orders in areas adjacent to the fire have been ordered
Intelsky 💫 pic.twitter.com/1m1r6ZE1BQ
— Mάnia Athanassiou (@athanassi2) August 12, 2024
Дебели облаци чад синоќа го затемнија небото над Атина. Неколку часа подоцна пламенот гореше во близина на предградието Дионис, на околу 23 километри североисточно од центарот на градот и околните области.
Властите се во состојба на готовност поради шумски пожари до четврток, а метеоролошките експерти предупредуваат на „многу тешка недела“.
– Половина Грција ќе биде во минус – изјави во сабота министерот за климатски кризи и цивилна заштита Василис Кикилијас, предупредувајќи на температура од околу 40 Целзиусови степени со силен ветер.
