Ноќ на тензии во Пакистан откако поранешниот премиер Имран Кан беше застрелан во ногата во обид за атентат. Илјадници негови поддржувачи излегоа на улиците барајќи правда.
Во главниот град Исламабад, демонстрантите кренаа антивладини постери и блокираа улици. Демонстрации се одржаа и во голем број други градови.
Обидот за атентат врз Имран Кан беше извршен за време на неговата изборна кампања вчера во главниот град. Вооружен маж пукал во неговиот конвој и успеал да го рани. Животот на Кан не бил во опасност, но во нападот загинало едно лице, а најмалку четворица се повредени.
Пред властите, осомничениот за нападот ја призна вината и изјави дека целта му била да го убие само поранешниот премиер.